The Government Information Center

දැනට පිහිටුවා ඇති ප්‍රජා මණ්ඩල

ප්‍රජා මණ්ඩල

ශ්‍රී ලංකාවට නිදහස ලැබීමෙන් පසු ජනතාවගේ සිතුම් පැතුම් සහ අදහස් හුවමාරු කර ගැනීම සඳහා ස්වේචිඡා සමිති වල අවශ්‍යතාව ප්‍රභලව දැනෙන්නට වූ අතර එවකට පළාත් පාලන අමාත්‍යවරයා වශයෙන් කටයුතු කළ දිවංගත එස.ඩබි. ආර්.ඩී. බණ්ඩාරණායක ශ්‍රී මතානන් විසින් ලංකාව පුරා ප්‍රජා මණ්ඩල ව්‍යාපාරය ක්‍රියාත්මක කිරීමට කටයුතු යොදන ලදී.
යම් ගම්මානයක ජනතාවගේ විවේක කාලය අර්ථවත්ව හා ඵලදායී අන්දමින් ගෙවා ගැනීම සඳහා ප්‍රජා මණ්ඩලයක් ඉවහල් වේ. ප්‍රාදේශයේ පොදු යහපත සඳහා වන අවශ්‍යතාවයන් සාකච්ඡා කොට ක්‍රියාත්මක කිරීමේ මධ්‍ය ස්ථානය මෙම ප්‍රජා මණ්ඩලය වේ.

ප්‍රජා මණ්ඩලයක් සංවිධානය කිරීම ආරම්භ කිරීම හා පවත්වාගෙන යාම සහ අසල් වැසි අනෙකුත් ස්වේචිඡා සමිති හා සම්බන්ධ වී ප්‍රාදේශයේ ජනතාවට පලදායී සේවාවක් ලබා දීම සඳහා කටයුතු කිරීම අප පළාත් පාලන ආයතනයේ වගකීම වේ. ප්‍රජා මණ්ඩලයක් ප්‍රදේශයේ ජනතාව විසින් ඔවුන්ගේ උවමනාවකට පිහිටුවා ගන්නක් විය යුතුය. ප්‍රජා මණ්ඩලයක් පිහිටුවීමේ දී ගම්මානයක් වශයෙන් යොදා ගන්නා අතර වර්ග සැතපුම් 2 1/2 කට වඩා වැඩි නොවිය යුතු යැයි ව්‍යවස්ථාවේ සඳහන් වුවද දැනට ග්‍රාම නිලධාරී කොට්ඨාශ ඇත. ගම්මාන ඉතා විශාල වන්නේ නම් ප්‍රදේශයේ පළාත් පාලන කොමසාරිස්තුමාගේ උපදෙස් හා අනුමැතිය මත ප්‍රජා මණ්ඩල වැඩි ගණනක් පිහිටුවාගත හැක. එමෙන්ම පිහිටුවාගන්නා ලද ප්‍රජා මණ්ඩලය මෙම පළාත් පාලන ආයතනයේ ලියා පදිංචි කළ යුතුය. (නාගරික සංවර්ධන අධිකාරිය, සෙත්සිරිපාය, බත්තරමුල්ල.) ප්‍රජා මණ්ඩලයක් පිහිටුවීමෙ දී ඒ සඳහා ව්‍යවස්ථාවන් අනුගමනය කළ යුතු අතර ප්‍රදේශයට ගැලපෙන අයුරින් එය සකස් කර ගත යුතුය.

ඒ අනුව මෙහි ඉදිරි කටයුතු පවත්වා ගෙන යාම සඳහා,

• මහා සභාවක් මගින් නිලධාරී මණ්ඩලයක් පත්කර  ගනු ලබන අතර එම නිලධාරී මණ්ඩලය සාමාජිකයින්ගේ උවමනාවන් සපුරාලීම උදෙසා ක්‍රියා කරයි.
• වාර්ෂිකව සංවත්සර මහා සභා පවත්වන අතර අවශ්‍යතාවය අනුව කාරක සභා රැස්වීම් පවත්වනු ලබයි.
• කාරක සභාව මගින් ගනු ලබන තීරණ මහා සභාවට ඉදිරිපත්  කර අනුමත කළයුතු අතර මහා සභාවේ තීරණය මත ක්‍රියාත්මක වනු ඇත.
• ප්‍රජා මණ්ඩලය මගින් කරනු ලබන කටයුතු මහා සභාවට ඉදිරිපත් කර අනුමත කළයුතු අතර ජනතාවගේ විශ්වාසය මත සෑම දෙයක්ම සිදු කිරීමට වග බලා ගැනීම නිලධාරී මණ්ඩලයේ වගකීම වේ.

ප්‍රජා මණ්ඩලයක් මගින් කරනු ලබන කටයුතු

• ශ්‍රමදාන කඳවුරු පිහිටුවීම හා සාමූහික චාරිකා හා වාර්ෂික දිස්ත්‍රික් සම්මේලන පැවැත්වීම
• සංස්කරණ සහ පුහුණු පාඨමාලා පැවැත්වීම
• සමාජ සේවා කටයුතු
• බාහිර හා අභ්‍යන්තර ක්‍රිඩා
• සාහිත්‍යමය කටයුතු
• නැටුම් ගැයුම් වැයුම් හා නාට්‍ය
• ප්‍රථමාධාර කටයුතු
• කර්මාන්ත කටයුතු පුහුණුව
• ආගමික කටයුතු
• වගා සංවර්ධන කටයුතු
• ප්‍රාදේශීය සංවර්ධනය