The Government Information Center

යෝග්‍යතාව: ශ්‍රී‍්‍ර ලාංකිකයන්, විදේශීය විදේශ ගමන් බල පත‍්‍ර හිමියන්

අයදුම්පත භාර දෙන ක‍්‍රමය: කොන්සියුලර් අංශයේ ඇති කවුන්ටර වෙත පැමිණ භාර දිය හැකිය.

අයදුම්පත ලබා ගත හැකි ස්ථාන:
කොළඹ 01, ශ්‍රී‍්‍රමත් බාරොන් ජයතිලක මාවතේ, අංක 14 දරණ ස්ථානයේ පිහිටි ආයෝජන මණ්ඩල ගොඩනැගිල්ලේ 5 වැනි මහලේ පිහිටි කොන්සියුලර් අංශයෙන්, උදෑසන 06:00 සිට
හෝ
අයදුම්පත බාගත කල හැකිය


අයදුම් පත සඳහා ගෙවීම: නොමිලයේ ලබා දෙනු ලැබේ.

අයදුම් පත ඉදිරිපත් කළ හැකි කාල සීමාව: පෙ.ව: 7.30 - ප.ව: 1.00

මෙම සේවාව ලබා ගැනීම සඳහා ගෙවිය යුතු ගාස්තු:
• ශ්‍රී‍්‍ර ලාංකික විදේශ ගමන් බල පත‍්‍ර හිමියන් සහ ශ්‍රී‍්‍ර ලාංකික ජාතිකයන් සඳහා එක් ලේඛනයක් සඳහා රු.500.00 කි.
• විදේශීය විදේශ ගමන් බල පත‍්‍ර හිමියන් සඳහා එක් ලේඛනයක් සඳහා රු.1000.00 කි.
• අ.පො.ස (සා.පෙළ) හා අ.පො.ස (උ.පෙළ) එක් සහතිකයක් සහතික කිරීම සඳහා රු.250.00 කි.
• අපනයන කටයුතු හා සම්බන්ධ ලිපිලේඛන එක් කට්ටලයක් සඳහා රු.500.00 කි.
මෙම සේවය ලබා දීම සඳහා ගතවන කාලය (සාමාන්‍ය සේවය සහ ප‍්‍රමුඛ සේවය): මිනිත්තු 30 සිට පැය 01

ලිපි ලේඛන සහතික කිරීම සඳහා පොදු උපදෙස්:

• ලිපි ලේඛන සහතික කිරීමේ මෙම අංශය සඳුදා සිට සිකුරාදා තෙක් විවෘතව පවතියි. (ප‍්‍රසිද්ධ නිවාඩු දිනවලදී වසා තැබේ.)
• ආයෝජන මණ්ඩල ගොඩනැගිල්ලේ 5 වැනි මහලේ පිහිටා ඇති කොන්සියුලර් අංශයේ ඇති නිකුත් කිරීමේ කවුළුවෙන් පෙ.ව: 6.00 සිට ප.ව: 1.00 දක්වා අයදුම්පත් නිකුත් කරනු ලැබේ.  සහතික කිරීම සඳහා ලිපිලේඛන භාර ගනු ලබන්නේ පෙ.ව: 7.30 සිට ප.ව: 1.30 දක්වා පමණි.
• සහතික කරන ලද ලිපිලේඛන පෙ.ව: 8.30 සිට ලබා දී ඇති ටෝකන් අංක කථා කිරීම මඟින් අයදුම්කරුවන්ට භාර දෙනු ලැබේ.
• ලිපි ලේඛන කොන්සියුලර් අංශය වෙත භාර දිය යුත්තේ අයදුම්කරු විසිනි.  විදේශ රටක වෙසෙයි නම්, ඔහුට/ඇයට වෙනත් පුද්ගලයෙකු වෙත බලය පැවරිය හැකිය.  එම තැනැත්තා අයදුම්කරුගේ විදේශ ගමන් බල පත‍්‍රයේ අදාළ පිටුවේ ඡායා පිටපතක් සහ බලය පැවරීමේ ලිපිය ගෙන ආ යුතුය.  බලය ලත් තැනැත්තාගේ නම සහ ජාතික හැදුනුම්පත් අංකය එම ලිපියේ සඳහන් විය යුතුය.   
• සිංහල, දෙමළ, ඉංග‍්‍රීසි භාෂා වලින් නිකුත් කරන ලද ලිපි ලේඛන හා අරාබි පරිවර්තන පමණක් සහතික කරනු ලැබේ.
• පරිවර්තිත ලිපි ලේඛන සහතික කරනු ලබන්නේ එම පරිවර්තන දිවුරුම් දුන් භාෂා පරිවර්තකයෙකු විසින් පරිවර්තනය කරනු ලැබ ඇත්නම් පමණි.  දිවුරුම් දුන් භාෂා පරිවර්තකයා ඔහුගේ/ඇයගේ ලිපි ශිර්ෂයෙහි හෝ මුද්‍රාවෙහි තමාට පරිවර්තනය කිරීමට බලය ඇති භාෂා පැහැදිලිව සඳහන් කළ යුතුය.  සිංහල හෝ දෙමළ හෝ ඉංගී‍්‍රසි ලේඛනයක් අරාබි බසට පරිවර්තනය කරන්නේ නම් මුල් ලේඛනයේ විස්තර ඉංගී‍්‍රසි බසින් අරාබි බසට පරිවර්තන ලේඛනයේ සඳහන් කළ යුතුය.
• කොන්සියුලර් අංශය අවශ්‍ය අවස්ථාවන් වලදී, එනම් යම් ලේඛනයක් පිළිබඳව සැකයක් ඇතිවන අවස්ථාවලදී එම ලේඛනයේ ව්‍යාජ/අව්‍යාජභාවය හරිහැටි පරීක්ෂා කිරීම සඳහා අදාළ බළධාරියා වෙත යොමු කරනු ලැබේ.  මේ සඳහා සති 03ක් පමණ කාලයක් වැය වනු ඇත.  ඉන් අනතුරුව කොන්සියුලර් අංශයේ අදාළ නිළධාරියා විසින් මෙම සහතික සම්බන්ධයෙන් අයදුම්කරු දැනුවත් කරනු ඇත.
• ශ්‍රී‍්‍ර ලංකාවේ අධිකරණයක් විසින් නිකුත් කරනු ලබන යම් ලේඛනයක් සහතික කරනු ලබන්නේ අදාළ අධිකරණයේ ලේඛකාධිකාරීවරයාගේ තහවුරු කිරීම ලැබීමෙන් අනතුරුව පමණි.  එම තහවුරු කිරීම ලබා ගැනීම සඳහා සති තුනක පමණ කාලයක් වැය වනු ඇත.  එය ලබා ගැනීමෙන් අනතුරුව කොන්සියුලර් අංශය විසින් මෙම සහතික සම්බන්ධයෙන් අයදුම්කරු දැනුවත් කරනු ඇත.

ලිපි ලේඛන සහතික කිරීම සඳහා අවශ්‍යතා:

මෙම සේවාව භාරව කටයුතු කරන මාණ්ඩලික නිලධාරීන්:

 
අයදුම් පත: අයදුම්පත බාගත කිරීම