The Government Information Center

අභිලේඛන හා නාණක විද්‍යා අංශය මගින් තවමත් සොයාගෙන නොමැති අභිලේඛන පිළිබඳ තොරතුරැ අනාවරණය කර ගැනීම වැදගත්ය. එමගින් මෙම විෂය මෙන්ම එතුළින් කෙරෙන පර්යේෂණ අධ්‍යයන සීමාවන් ද පුළුල් කිරීමට හැකි වෙයි. ඒ සම්බන්ධයෙන් අදාළ තොරතුරු ලැබෙන ක්‍රම කිහිපයකි.

• පුරාවිද්‍යා දෙපාර්තමේන්තුවේ නිලධාරීන් හා සේවකයින් මගින්
• වෙනත් රාජ්‍ය ආයතනවට දැනුම් දීම්
• පුරාවිද්‍යා ස්ථානභාර නිලධාරීන් මගින්
• මාධ්‍ය මගින්
• මහජනතාව මගින්

බාහිර දැනුම්දීම්

රාජ්‍ය  ආයතනයක. පුරාවිද්‍යා ස්ථානභාර කරුවන් හා සාමාන්‍ය මහජනතාන කුමන හෝ ආකාරයකට අභිලේඛන හෝ කාසි පිළිබඳ තොරතුරැ දැනගතහොත් එම ලේඛනය පිළිබඳව තොරතුරැ පුරාවිද්‍යා  අධ්‍යක්ෂ ජනරාල් හෝ අධ්‍යක්ෂ / සහකාර අධ්‍යක්ෂ (අභිලේඛන  හා  නාණක විද්‍යා) වෙත දැනුම් දිය හැකිය. එම දැනුමේ ලේඛනය පිහිටි පළාත, දිස්ත්‍රික්කය, ප්‍රාදේශිය ලේකම් කොට්ඨාශය, ග්‍රාම සේවා නිලධාරී වසම, ගම, ස්ථානය සහ  හැකිනම් ගමන් මාර්ගය යන කරැණු ඇතුළත් වීම වැදගත්ය. (ආකෘති පත්‍රය 1.1)

පර්යේෂණ දත්ත මගින් තොරතුරු අනාවරණය කර ගැනීම.

පාසල්, විශ්ව විද්‍යාල, පශ්චාත් උපාධි ආයතන හා වෙනත් උසස් අධ්යාතපන ආයතන වල අධ්‍යයන අවශ්‍යතා සඳහා අභිලේඛන හා කාසි පිළිබඳ පර්යේෂණ කිරීම සඳහා අවශ්‍ය තොරතුරැ අංශය මගින් ලබාගත හැකි අතර , එහිදී අදාල ආයතනයෙන් ලිඛිත ඉල්ලීමක් තිබිය යුතුය.

පර්යේෂණ සඳහා ප්‍රකාශිත  ග්‍රන්ථ අධ්‍යයනය  කිරීමට ද පුස්තකාල පහසුකම් ලබාගැනීමට හැකි අතර එහිදීද ඉහත සඳහන් ක්‍රමය අනුගමනය කළ යුතුය.