The Government Information Center

වරිපනම් බදු අයකිරීමෙ ක්‍රියා පිළිවෙත
වරිපනම් බදු අයකරනු ලබන්නේ 1978 අංක 41 දරණ නාගරික සංවර්ධන අධිකාරී පනත යටතේ යම් ප්‍රදේශයක් /සංවර්ධන ප්‍රදේශයක්/ වශයෙන් ප්‍රකාශයට පත්කළ විටය.

වරිපනම් බදු ගෙවීම සඳහා සුදුසුකම්
තම දේපල ප්‍රාදේශීය සභා සීමාව තුල පිහිටා ඇති විට.
පහත දැක්වෙන ආකාරයන්ට අයත් ඉඩමක හෝ ගොඩනැගිල්ලක   පදිංචිකරුවෙකු  වීම.

• ප්‍රාදේශීය සභා සීමාව තුල පිහිටි නිශ්චල දේපලක  හිමිකරුවෙකු වීම.
• ප්‍රාදේශීය සභා සීමාව තුල පිහිටි නිවසක, ගොඩනැගිල්ලක හෝ ඉඩමක කුලී හිමියා වීම.
• ප්‍රාදේශීය සභා සීමාව තුල පිහිටි රජයට අයත් නිවසක, ගොඩනැගිල්ලක හෝ ඉඩමක හිමිකරු වීම.
• ප්‍රාදේශීය සභා සීමාව තුල පිහිටි නිශ්චල දේපලක හවුල් හිමිකරුවෙකු (සම හිමිකරුවෙකු) වීම.

මෙහිදී

• තම දේපලෙහි වටිනාකමින් 7% ක් වරිපනම් බදු වශයෙන් ගෙවිය යුතු වෙයි.
• අදාල වර්ෂයේ මුල් මාසය තුල වරිපනම් බදු ගෙවීමේ දී 10% ක වටිටමක් අයිතිකරු වෙත හිමිවේ.
• කාර්තුවක් සඳහා ගෙවිය යුතු මුදල අදාල කාර්තුවෙ පළමුවන මාසය තුල දී ගෙවනු ලැබුව හොත් 5% ක වටිටමක් පිරිනමනු ලැබේ.
• එසේ නොමැති නම් අදාල වර්ෂය තුල කාර්තු 4 ක් සඳහා කාර්තුවෙන් කාර්තුව වුවද වරිපනම් බදු ගෙවීමේ හැකියාව ඇත .
• වරිපනම් බදු ක්‍රියාත්මක වන පෙදෙසක බිම් කොටසක් මිලයට ගන්නා අයෙකු ඒ සඳහා නව වරිපනම් අංකයක් ලබාගත යුතු වෙයි.(ඔප්පු සාරාංශයක් ඉදිරිපත් කිරීමෙන්)
• දැනට වරිපනම් අංකයක් හිමි අයෙකුගේ සම්පූර්ණ දේපල පවරා ගන්නා අයෙකු නම් ඔප්පු සාරාංශයක් ඉදිරිපත් කර ප්‍රාදේශීය සභා වරිපනම් ලේඛනයේ නම ඇතුලත් කර ගත යුතුය.
• වරිපනම් ලේඛනයේ නම සංශෝධනය කිරීමට හෝ නව වරිපනම් අංකයක් ලබා ගැනීමට අදාල ඔප්පු සාරාංශ පෝරමය රු. 168/- ක් ගෙවා ප්‍රාදේශීය සභා කාර්යාලයෙන් ලබාගත හැක.
• එම ඔප්පු සාරාංශ පෝරමය තම ඔප්පුව ඉදිරිපත් කර නොතාරිස්වරයෙකු ලවා පුරවා සහතික කරගත යුතුවෙති.
• එසේ පුරවාගත් පෝරමය එහි පිටපතක් ද සහිතව මිනින්දෝරු සැළැස්මෙහි පිටපත් දෙකක් හා ඔප්පුවෙහි පිටපත් 2 ක් සමග කාර්යාලය වෙත ඉදිරිපත් කළ යුතු වේ.
• එවිට ඔබේ නම වරිපනම් ගෙවන්නෙකු වශයෙන් ලේඛනගත වේ.

මෙ පිළිබඳ වැඩිදුර තොරතුරු සභාවේ වරිපනම් අංශයෙන් ලබා ගත හැක.

දැනට වරිපනම් බදු අයකර ගනු ලබන ග්‍රාම නිලධාරී කොටිඨාශ