The Government Information Center

                                            මුදල් අමාත්‍යාංශය
                                  ශ්‍රී ලංකා රේගු දෙපාර්තමේන්තුව

මැණික් ආනයනය (ශ්‍රී ලංකාවට රැගෙන ඒම)

ශ්‍රී ලංකාවට පැමිණෙන මගීන්ට තමා සමඟ කැටුව රැගෙන එන මැණික් ගල් රේගුවෙන් නිදහස් කර ගැනීමට, සාමාන්‍ය  ක්‍රියාවලිය හෝ කඩිනම් ක්‍රියාවලිය අනුගමය කළ හැක.


කඩිනම්  ක්‍රියාවලිය

පැමිණෙන මගීන්ගේ ගමන් බඩු ප්‍රකාශනයක, තමා රැගෙන එන මැණික් හා වටිනාකම ප්‍රකාශ කොට පැමිණීමේ පර්යන්තයේ රේගු නිලධාරියා (No.1 officer) වෙත ඉදිරිපත් කරන්න.  ඔහුගේ උපදෙස් පරිදි US $ 200 රේගු සරප් වෙත ගෙවීමෙන් පසු ඔබ සමගම මැණික් රැගෙන යාමට නිදහස් කරනු ඇත.


සාමාන්‍ය  ක්‍රියාවලිය

පැමිණෙන මගීන්ගේ ගමන් බඩු ප්‍රකාශයක, තමා රැගෙන එන මැණික් හා එහි වටිනාකම ප්‍රකාශ කොට පැමිණීමේ පර්යන්තයේ රේගු නිලධාරියා (No.1 officer) වෙත ඉදිරිපත් කරන්න.   ඔබගේ මැණික් ඔබ ඉදිරියේ  මුද්‍රා තබා ඔහු වෙත රඳවාගෙන ගමන් බඩු රඳවාගැනීමේ නිවේදනයේ පිටපතක් ඔබට ලබාදෙනු ඇත.  එය ද රැගෙන මැණික් හා ස්වර්ණාභරණ අධිකාරියට පසුව ගිය විට එහිදී පරීක්ෂා කිරීමෙන් පසු ලබාගැනීමට ඔබට හැකි වේ. මේ සඳහා ද සේවා ගාස්තු ගෙවීමට සිදු වේ.