The Government Information Center

ප්‍රාදේශීය සභා බල ප්‍රදේශය තුල සිදු කෙරෙන සියළු ඉඩම් සංවර්ධනය කිරීම් හා කොටස් වලට කැඩීම් මුලින්ම ප්‍රාදේශීය සභාවේ ලියාපදිංචි කළ යුතුය. මෙහි අරමුණ නාගරික ප්‍රදේශයන් හි ඉඩම් සංවර්ධනය කිරීමේ ක්‍රියාකාරකම් නියාමනය කිරීමයි.

සුදුසුකම්

• ප්‍රාදේශීය සභා බල ප්‍රදේශය තුල පිහිටා ඇති කොටස් වලට කැඩීමට හෝ සංවර්ධනය කිරීමට නියමිත ඉඩමක හිමිකරුවෙකු විය යුතුය.
• හිමිකරු සතුව ලියාපදිංචි වූ ඔප්පුවක් තිබිය යුතුය.

බිමි කට්ටි අනුමත කිරීමේ පියවර

1. ඉඩම් අනුබෙදුම් අයදුම්පත්‍රයක් (රු300/-  +  ) මුදල් ගෙවා ප්‍රාදේශීය සභා කාර්යාලයෙන් ලබා ගැනීම.
2. එම සම්පූර්ණ කළ අයදුම්පත සමග අනුමත කිරීමට ඇති ඉඩමේ සැළැස්ම” එහි ඡායා පිටපත් තුනක්” මුල් සැළසුම් වල පිටපත් සහ අදාල ඔප්පුවේ පිටපතක්” ගොඩනැගිලි අංශය වෙත ලබා දී ඉඩමේ කැබලි ප්‍රමාණය අනුව මුදල් ගෙවා ලදුපතක් ලබා ගත යුතුය’
3. ඉන්පසු සභාවේ තාක්ෂණික නිලධාරියෙකු විසින් ඉඩම පරීක්ෂා කරනු ලබන අතර එම ලිපි ගොනු සැළසුම් කමිටුවට ඉදිරිපත් කිරීමෙන් අනතුරුව අනුමැතිය ලබා දෙනු ලැබේ.
4. අනුමත මුද්‍රාව තැබීමෙන් පසුව අදාල අනුමත සැළස්ම ලබාගත හැකිවේ.