The Government Information Center

ප්‍රාදේශීය සභාවක් විසින් සිය බල ප්‍රදේශය තුල පිහිටි සියළු ඉදිකිරීමෙ ක්‍රියාකාරකම් පාලනය හා නියාමනය කරයි. ඒ අනුව හෝමාගම ප්‍රාදේශීය සභා බල ප්‍රදේශය තුල ඉදිකිරීම් ක්‍රියාකාරකම් වල යෙදෙන සියළුම පුද්ගලයින් මෙම ප්‍රාදේශීය සභාවෙන් බලපත්‍රයක් ලබා ගත යුතුය.
හෝමාගම ප්‍රාදේශීය සභා බල ප්‍රදේශය 1978 අංක 41 දරණ නාගරික සංවර්ධන අධිකාරී පනත යටතේ නාගරික සංවර්ධන ප්‍රදේශයක් ලෙස ප්‍රකාශයට පත්කොට ඇති බැවින් එම නීති රීති වලට අනුකූලව ඉදිකිරීම් කටයුතු සිදුකළ යුතුය.

ගොඩනැගිලි සැළසුම් අනුමත කිරීමේ පියවර

• ගොඩනැගිලි අයදුම්පත්‍රයක් (රු.300/-)  ක මුදලක් ගෙවා ප්‍රාදේශීය සභා කාර්යාලයෙන් ලබා ගත යුතුය.
• එම සම්පූර්ණ කළ අයදුම්පත සමග අනුමත කිරීමට ඇති ගොඩනැගිල්ලේ සැළැස්ම එහි ඡායා පිටපත් තුනක්, අනුමත ඉඩමේ සැළැස්ම හා එහි ඡායාස්ථ  පිටපතක්, ඔප්පුවේ පිටපතක් ගොඩනැගිලි අංශය වෙත ලබා දී ගොඩනැගිල්ලේ වර්ග අඩි ප්‍රමාණය අනුව මුදල් ගෙවා ලදුපතක් ලබා ගත යුතුය.
• ඉන්පසු සභාවේ තාක්ෂණික නිලධාරී / මහජන සෞඛ්‍ය පරීක්ෂක විසින් අදාල ස්ථානය පරීක්ෂා කරනු ලබන අතර ඔවුන්ගේ නිර්දේශය සමඟ එම ලිපි ගොනු සැළසුම් කමිටුවට ඉදිරිපත් කිරීමෙන් අනතුරුව අනුමැතිය ලබා දෙනු ලැබේ.
• අනුමත මුද්‍රාව තැබීමෙන් පසුව අදාල අනුමත සැළස්ම ලබාගත හැකිවේ.