The Government Information Center

• ප්‍රාදේශීය සභා බල ප්‍රදේශය තුල පිහිටි සියළුම සත්ව ඝාතකාගාර සහ මස් වෙළඳසල් ප්‍රාදේශීය සභාවෙ අධීක්ෂණයට හා පාලනයට යටත් වේ.

එය ප්‍රාදේශීය සභාවට අයත් ගොඩනැගිල්ලක පවත්වා ගෙන යන්නේ නම්,

• සභාව විසින් මස් වෙළඳසැල් වාර්ෂිකව ටෙන්ඩර් කරනු ලබන අතර තෝරා ගනු ලබන ටෙන්ඩර්කරු විසින් සභාව විසින් නියම කරනු ලබන කුලී මුදලක් ද මාසිකව ගෙවිය යුතුය.

මස් වෙළඳසල පෞද්ගලික ස්ථානයක පවත්වා ගෙන යාමෙ දී ඒ සඳහා සභාව විසින් නිකුත් කරනු ලබන බලපත්‍රයක් ලබා ගත යුතුවේ.
මේ සඳහා පහත සඳහන් ලිපි ලේඛන ඉදිරිපත් කළ යුතුය.

1. බලපත්‍රය අයදුම් කරන්නාගේ නම
2. බලපත්‍රය අයදුම් කරන්නාගේ ලිපිනය
3. සත්ව ඝාතකාගාරය හෝ මස් වෙළඳසල පිහිටා ඇති හෝ පිහිටුවිමට අපේක්ෂා කරන ස්ථානයේ ලිපිනය

ඉල්ලුම් කිරීමෙ පටිපාටිය
මේ සඳහා වන බලපත්‍ර වර්ග දෙකකි.

1. තාවකාලික බලපත්‍ර
2. වාර්ෂික බලපත්‍ර

• සත්ත්ව ඝාතකාගාරයක් සහ හෝ මස් වෙළඳසැලක් පවත්වාගෙන යාම සඳහා ලිඛිත ඉල්ලීමක් ඉදිරිපත් කළ යුතුය.
• අදාල නිලධාරීන් විසින් සිදු කෙරෙන ස්ථානීය පරීක්ෂණයකින් පසු විරෝධතා ඇත්නම් දැනුම් දෙන ලෙස දැන්වීමක් ගැසට්පත්‍රයේ පල කෙ‍රේ.
• විරෝධතා නොමැති විට බලපත්‍රයක් නිකුත් කෙ‍රේ.
• මෙහිදී අයදුම්කරු ප්‍රාදේශීය සභාව සමග ගිවිසුමකට අත්සන් තැබිය යුතුය අතර ප්‍රාදේශීය සභාව වෙත ඇපකරයක් තැන්පත් කළ යුතුය.
• මෙම බලපත්‍රය ගාස්තුව ගෙවීම මගින් වාර්ෂිකව අලුත් කළ යුතුය.

විරෝධතාවක් පැමිණි විට,

• සභාවේ සභාපති වරයාගේ සහභාගිත්වයෙන් යුතුව පරීක්ෂණයක් පවත්වා ඒ පිළිබඳව තීරණයක් ගනු ලැබේ.
• තීරණය ලැබී දින 10 ක් ඇතුලත සභාපතිවරයාගේ තීරණයට එරෙහිව ඔනෑම පාර්ශ්වයකට අභියාචනා කළ හැකි අතර අමාත්‍යවරයාගේ තීරණය අවසාන තීරණය වේ.
• සියළු විධිවිධානයන් සපුරා නොමැති විට ඌනතා පිළිබඳව අයදුම්කරුට දැනුම් දී ඒවා නිවැරදි කිරීමේන් පසු බලපත්‍රයක් නිකුත් කරනු ලැබේ.
• මෙම බලපත්‍රය බලපත්‍ර ගාස්තුව ගෙවීම මගින් වාර්ෂිකව අලුත් කළ යුතුවේ.

සැ.යු: අනුමැතියකින් තොරව සත්ව ඝාතකාගාරයක් සහ/හෝ මස් වෙළඳසලක් පවත්වාගෙන යන්නෙකු මහේස්ත්‍රාත් අධිකරණයට ඉදිරිපත් කළ හැක.