The Government Information Center

වෘත්තීය පුහුණුව මගින් හෝ වෘත්තීයක නියැලීමෙන් දැනටමත් ලබා ඇති නිපුණතාවයන් ඇගයීමකට ලක් කොට (Recognition of Prior Learning – RPL) ජාතික වෘත්තීය සුදුසුකම් (NVQ) සහතික ලබා දීම මෙයින් අදහස් කෙරේ.

සහතික ලබාදීමේ පිලිවෙත :

කාර්මික අධ්‍යාපන හා පුහුණු කිරීමේ දෙපාර්තමේන්තුව යටතේ ඇති පහත සඳහන් කාර්මික විද්‍යාල  මගින් හඳුනාගත් ක්ෂේත්‍ර සඳහා RPL යටතේ NVQ සහතික ලබා ගැනීම සඳහා ඉල්ලුම්පතක් ඉදිරිපත් කර රු.250.00 ක් ගෙවා ලියාපදිංචි විය යුතුය.

 (ඉදිරියේදී තවත් ක්ෂේත්‍ර සහ මධ්‍යස්ථාන මෙයට එකතු වනු ඇත)

• ඉන් පසු ඇගයීම් නිලධාරියා (Assessor) හා ඔබගේ එකඟතාවය මත පහසු දිනකදී නිපුණතා පිළිබඳ සාක්ෂි, ලිපි‍ෙගානු පරීක්ෂා කිරීම, ප්‍රායෝගිකව වැඩ කිරීම නිරීක්ෂණය කිරීම හා සාක්ෂි ප්‍රබල නොවන අවස්ථාවලදී ප්‍රායෝගික හා න්‍යායික පරීක්ෂණයක් පැවැත්වීම සිදු කරනු ඇත. ප්‍රායෝගික පරීක්ෂණය පැවැත්වීම සඳහා අවශ්‍ය වන අමුද්‍රව්‍ය සහ එයට යන වියදම අයදුම් කරුට දන්වනු ඇත. එම මුදල කාර්මික විද්‍යාලය වෙත ගෙවිය යුතුය.
  (මෙම පරීක්ෂණය සිදු කිරීමට ප්‍රථම අයදුම්කරුට අවශ්‍ය නමි අදාල විද්‍යාලය මගින් ප්‍රායෝගික පෙරහුරු අධ්‍යයනයක් ලබාගත හැකිය. ඒ සඳහා විද්‍යාලය මගින් නියම කරන ගාස්තුව අයදුම්කරුට ගෙවීමට සිදුවේ)
• මෙම පෙර ඉගෙනුම් ඇගයුමෙන් පසු එහි ප්‍රතිඵල කාර්මික අධ්‍යාපන හා පුහුණු කිරීමේ දෙපාර්තමේන්තුවේ විභාග අංශයටත් ජාතික ආධුනිකත්ව සහ කාර්මික පුහුණු කිරීමේ අධිකාරියටත් (NAITA) ඉදිරිපත් කරනු ලැබේ.
• සහතික පත්‍ර නිකුත් කිරීම තෘතියික හා වෘත්තීය අධ්‍යාපන කොමිෂන් සභාවේ (TVEC) හා  NAITA ආයතනයේ අධ්‍යක්ෂක(ඇගයීම්) අත්සනින් පිරිනමනු ඇත.
• මෙම පරීක්ෂණය සඳහා පූර්ණ බලධාරියා NAITA ආයතනය බැවින් වැඩි විස්තර සඳහා NAITA ආයතනයේ NVQ අංශය අමතන්න.