The Government Information Center

01. ක්‍රියාකාරකම්

• වාස්තු විද්‍යාත්මක සාධක වාර්තාගත කිරීම.
• සංරක්ෂණය සඳහා යෝජනා සකස් කිරීම.
• සංරක්ෂණ කටයුතු ක්‍රියාත්මක කිරීම.
• අධීක්ෂණය කිරීම.
• පුරාවිද්‍යා භූමි ආශ්‍රිතව නව ඉදිකිරීම්.

02.ස්මාරක සංරක්ෂණ කටයුතු සඳහා ජනතා සහයෝගය ලබාගැනීම.

හුදෙක් ස්මාරක සංරක්ෂණ කටයුතු රජයේ මූල්‍ය ප්‍රතිපාදන මත තීරණය වන බැවින් වාර්ෂික ක්‍රියාකාරී වැඩසැලැස්ම අනුමත මුදල් ප්‍රමාණයට සමගාමීව තීරණය වේ. මේ හේතුවෙන් ඇතැම් ස්ථාන වල රටේ විවිධ ප්‍රදේශවල බෞද්ධ හා වෙනත් ආගමික ස්ථාන ආශ්‍රිතව හා එසේ නොමැතිව පවතින ස්මාරක ඉක්මනින් විනාශය කරා ගමන් කරන බව පෙනී යයි.

ඔබ  ප්‍රදේශයේ හෝ ආශ්‍රිතව තව පැරණි පුරාවිද්‍යා  වටිනාකමක් සහිත ස්මාරක පවතින්නේද?

ඔබ  ප්‍රදේශයේ ඓතිහාසික උරුමය පිළිබඳ අවධියෙන් සිටින අයෙකු විය හැකිය. එසේ නම් ඔබගේ ගම් පළාතේ හෝ ආසන්න  ප්‍රදේශයේ ඇති කිසියම් වාස්තු  විද්‍යාත්මක ඉදිකිරීමක පවත්නා පුරා විද්‍යාත්මක අගය හඳුනාගැනීමට හෝ යම්  ප්‍රතිසංස්කරණය කිරීමක් කිරීමට අවශ්‍යයද? එහි පවත්නා නීතිමය තත්වය පිළිබඳ ඔබ දැනුවත් ද? ඊට අවශ්‍යය උපදෙස් හා සහයෝගය ලබාදීම අපගේ වගකීමයි.

මෙහිදී කිසියම් භික්ෂූන් වහන්සේ නමක් , පූජකවරයෙක් රාජ්‍ය නොවන සංවිධානයක්, විදේශීය රාජ්‍යයක්, යම් ස්වේච්ඡා සංවිධානයක් හෝ සිවිල් පුරවැසියෙක් මේ ස්මාරක සංරක්ෂණය කිරීම සඳහා ද්‍රව්‍යමය ආධාර ලබාදෙන්නේ නම් ඊට අවශ්‍යය පුහුණු ශ්‍රමය හා අධීක්ෂණය සැපයීමට අපබැඳී සිටිමු.

අවශ්‍යම මූලික මැදිහත්වීම සඳහා ඔබ අයත් පලාතේ ප්‍රාදේශීය පුරාවිද්‍යා කාර්යාලයේ ප්‍රාදේශීය සහකාර අධ්‍යක්ෂ අමතන්න.

03.වාස්තු විද්‍යා සංරක්ෂණ අංශයේ 2009 වර්ෂයට අදාල වැඩ සැළැස්ම
(*මෙම වර්ෂයට අදාල මූල්‍ය ප්‍රතිපාදන සැලකිල්ලට ගෙන පහත සඳහන් ස්ථාන වර්ෂය තුළ සංරක්ෂණය කිරීමට අදාල වැඩ කටයුතු මේ වන විට ආරම්භ කර ඇත.)

04.    වාස්තුවිද්‍යා අංශය විසින් ලබාදෙන ජනතා සේවාවන්

• ඉපැරණි ශ්‍රි ලාංකේය සංස්කෘතියේ නෂ්ට වූ ස්මාරක ඒවායෙහි දිගුකාලීන පැවැතිම සුරක්ෂිත වන පරිදි සංරක්ෂණය කර ජනතාව වෙත දායාද කිරීම.
• පුරාවිද්‍යාත්මක වටිනාකමක් සහිත ආරක්ෂිත ස්මාරක ආශ්‍රිතව කෙරෙන නව ඉදිකිරීම් සඳහා උපදේශන සේවා ලබාදීම.
• විශ්ව විද්‍යාල ඇතුඵ සියඵ උසස් අධ්‍යාපන ආයතනයන් හි හා පාසල් වල ඉගෙනුම ලබන ශිෂ්‍ය  ප්‍රජාව සඳහා මෙන්ම සිවිල් පුරවැසියන් සඳහා අවශ්‍යය  තොරතුරු ලබාදීම හා උපදේශනය.
• පැරණි සාම්ප්‍රදායික තාක්ෂණය. ස්මාරක සංරක්ෂණ ශිල්ප ක්‍රම, සැලසුම්කරණය, වාර්තාගත කිරීම, පැරණි ඓතිහාසික භූමි නිර්මාණය. ස්මාරක කෙරෙහි මානව හා පාරසරික බලපෑම් හා බලපෑම් පාලනය කිරීම පිළිබඳ විවිධ ක්ෂේත්‍ර වල වෘත්තිකයන් හා දැනුම් පිපාසිතයන් දැනුවත් කිරීම.
• වසර 100 කට වඩා පැරණි නිවාස හා ගොඩනැගිලි හිමිකරුවන්ට ඒවායේ පුරාවිද්‍යාත්මක අගය සුරැකෙන පරිදි තවදුරටත් නඩත්තු කොට පවත්වා ගැනීම පිළිබඳ අවශ්‍යය උපදේශන හා තාක්ෂණික සේවා ලබාදීම.

05.    උපදේශන සේවා හෝ අධ්‍යාපනික අවශ්‍යයතා සඳහා විමසීම්

වාස්තුවිද්‍යා සංරක්ෂණ අංශයේ ලියාපදිංචි පුරාවිද්‍යා ස්ථාන හා ස්මාරක පිළිබඳ සැලසුම්වල පිටපත් ලබාගැනීම සඳහා ඉල්ලුම් පත්‍රය.

ඔබ ලබාගන්නා සෑම සැලසුම් පිටපතක් සඳහාම දෙපාර්තමේන්තුවේ අනුමත අයකිරීම් පිළිබඳ නියමයන් අදාල වේ.