The Government Information Center

 ප්‍රතිලාභියා පදිංචි ස්ථානය මාරු කිරීමක දී

•        සමෘද්ධි ප්‍රතිලාභ ලබමින් සිටින අයෙකු විය යුතු ය.
•        තමන් දැනට පදිංචි ග්‍රාම නිලධාරී වස‍ෙමන් ස්ථිරව ම පදිංචිය වෙනස් කිරීමක් සිදුවිය යුතු යි. 

•  තමන් දැනට පදිංචි වසමේ පදිංචිය ස්ථිරව ම අත්හරින බවට අදාළ ග්‍රාම නිලධාරීට හා සමෘද්ධි සංවර්ධන නිලධාරීට ලිඛිත ව දැනුම් දී පදිංචිය හැර යැමේ ලිපි අදාළ නිලධාරීන් දෙදෙනාගෙන් ලබා ගත යුතු ය. 

• අලුතින් පදිංචි වූ ස්ථානය පිළිබඳ ව නව වසමේ ග්‍රාම නිලධාරීට හා සමෘද්ධි සංවර්ධන නිලධාරියාට දැනුම් දී එය සනාථ කිරීම සඳහා නිලධාරීන් දෙදෙනාගෙන් ම ලිපි ලබා ගත යුතු යි.

• ඉහත ලිපි සමගින් දැනට නිකුත් කර ඇති දීමනා පත්‍රය මුල් පදිංචි වසමේ සමෘද්ධි සංවර්ධන නිලධාරී මගින් ප්‍රාදේශීය ලේකම් වෙත භාරදිය යුතු ය.

•  ප්‍රාදේශීය ලේකම් විසින් අදාල විස්තර නව ප්‍රාදේශීය ලේකම් කොට්ඨාසයට හෝ නව ග්‍රාම නිලධාරී වසමේ සමෘද්ධි සංවර්ධන නිලධාරී වෙත යැවීමෙන් පසුව එම ප්‍රතිලාභියාට නැවත දීමනා පත්‍රිකාව ලබා ගත හැකි ය. 

•  සතියේ වැඩකරන දිනයක දී සමෘද්ධි සංවර්ධන නිලධාරී මගින් ප්‍රාදේශීය ලේකම් කාර්යාලය වෙත භාරදිය හැක. 

• දැනට පදිංචි වසමේ ග්‍රාම නිලධාරීගේ හා සමෘද්ධි සංවර්ධන නිලධාරීගේ පදිංචිය හැර යාමේ ලිපි.
• නව ග්‍රාම නිලධාරී වසමේ ග්‍රාම නිලධාරීගේ හා සමෘද්ධි සංවර්ධන නිලධාරීගේ නව පදිංචිය සනාථ කිරීමේ ලිපි.
• දීමනා පත්‍රය නව පදිංචි ස්ථානයට මාරුකර දෙන ලෙස කරනු ලබන ප්‍රතිලාභියාගේ ලිඛිත ඉල්ලීම.