The Government Information Center

                                                මුදල් අමාත්‍යාංශය
                            ශ්‍රී ලංකා රේගු දෙපාර්තමේන්තුව

රේගු මන්දිර නියෝජිත (CHA) බලපත්‍ර නිකුත් කිරීම

රේගු මන්දිර නියෝජිත (CHA) බලපත්‍රයක් යනු කුමක් ද?

• CHA බලපත්‍රයක් යනු, රේගුව සමග කටයුතු කිරීම සඳහා අවසර සහිත නියෝජිතයන් හඳුනාගැනීම සඳහා නිකුත් කරනු ලබන හඳුනාගැනීමේ පත්‍රයකි.එය වසරක කාලයකට වලංගුවේ

CHA බලපත්‍රයක් තිබීමෙන් ඇති වාසි මොනවා ද?

• භාණ්ඩ නිෂ්කාශන/නැව් කටයුතු ආදී ආයතනවලට  බඳවා ගැනීමේදී වැඩි පිළිගැනීමක් ලැබීම.
• තමන්ගේම භාණ්ඩ නිශ්කාෂනයේ දී හා පැටවීමේ දී තමන්ගේම නියෝජිත ප්‍රකාශනය ලෙස පෙනී සිටීමේ හැකියාව.
• විදෙස් රැකියා අවස්ථා (භාණ්ඩ නිශ්කාෂන/නැව් ආයතනවල) විවරවීම.
• අධ්‍යාපන කටයුතුවලදී භාණ්ඩ නිෂ්කාශන/නැව් කටයුතු ආදිය  හැදෑරීම සඳහා අමතර සුදුසුකමක් වීම.

CHA බලපත්‍රධාරියෙකුට කළ හැක්කේ මොනවා ද?

• ආනයනකරු හෝ අපනයනකරුවන්ගේ බලයලත් නියෝජිතයා ලෙස පෙනී සිටිය හැකි ය. (ලිපි කටයුතු/නීතිමය කටයුතුවල දී)
• පූර්ව අවසරයකින් තොරව රේගු පරිශ්‍රය තුලට ඇතුල්විය හැකි ය.
• ආනයන/අපනයන රේගු ප්‍රකාශන රේගුවට ඉදිරිපත් කිරීම හා එම ක්‍රියාවලිය කරගෙන යාමට හැකිය.

CHA බලපත්‍රයක් ලබාගන්නේ කෙසේ ද?

• ශ්‍රී ලංකා රේගුවේ මානව සම්පත් සංවර්ධන අංශය මගින් මෙහෙයවනු ලබන පුහුණුව සාර්ථකව අවසන් කළ සහ විභාගය සමත් අයට CHA බලපත්‍රයක් සඳහා අයදුම් කළ හැකිය.
• අයදුම්පත සමග අත්‍යාවශ්‍ය ලියවිලි සහ ඒවායේ පිටපත් අමුණා එවිය යුතු ය.  (අවශ්‍ය ලියවිලි සඳහා මෙහි පහත බලන්න)

CHA පුහුණුව සඳහා සහභාගි වන්නේ කෙසේ ද?

•  අයදුම්පත සමග.පො.ස. (සා/පෙළ) විභාගයේ දී ඉංග්‍රීසි, ගණිතය සහ සිංහල/දෙමළ විෂයයන් ඇතුළුව විෂයයන් 6 කින් සමත් අයවලුන්ට පුහුණු පාඨමාලාව සඳහා ඉල්ලුම් කළ හැකිය.
• අයදුම්පත සමග ලියාපදිංචි සමාගමකින් එවන ඉල්ලුම් ලිපිය.

නව රේගු නියෝජිතයකු ලෙස ක්‍රියා කිරීම සඳහා අත්‍යාවශ්‍ය  ලියවිලි

• ඉල්ලුම් කිරීමේ ලිපිය (අයිතිකරු/හවුල්කරු /අධ්‍යක්ෂ විසින් අත්සන් කරන ලද)
• මනාව පුරවන ලද CHA බලපත්‍ර අයදුම්පත
• ව්‍යාපාර ලියාපදිංචි කිරීමේ සහතිකය
• TIN සහතිකය
• VATසහතිකය
• රේගු ආඥා පනතේ 115වන වගන්තිය යටතේ රේගු මන්දිර නියෝජිතයන් ලියාපදිංචි කිරීමේ අයදුම්පත
• ආකෘති පත්‍ර 1/ආකෘති පත්‍ර 2ඒ/ආකෘති පත්‍ර 48/ආකෘති පත්‍ර 20/ආකෘති පත්‍ර 41
• නැව් කටයුතු නියෝජිතායතනයේ බලපත්‍රය (නැව් කටයුතු ආයතන සඳහා පමණි)
• රු. 50,000/- ක මුදල් ඇපයක් (කල් ඉකුත්වීමේ දිනය.  පළමු ලියාපදිංචි මාසයේ සිට වසරක කාලයකි)
• ලිපිනය තහවුරු කිරීම (විදුලි බිල්පත්/ජල බිල්පත්/දුරකථන බිල්පතක්)
• ව්‍යාපාරික ස්ථානයේ ඉඩමේ ඔප්පුවේ හෝ බදු ගිවිසුමේ සහතික කරන ලද පිටපතක්
• ස්ථානීය සිතියමක්
• අයිතිකරුගේ/හවුල්කරුවන්ගේ/අධ්‍යක්ෂ මණ්ඩලයේ හා අයදුම්කරුගේ ඡායාරූප, ඔවුන්ගේ අත්සන් සහ සමාගම් ලිපි ශීර්ෂයක යොදන ලද සම්පූර්ණ විස්තර සහිතව
• කාර්යාලයීය සැකසුම් සැලැස්ම හා ආයතනයේ සියළුම විද්‍යුත් උපකරණ දැක්වෙන භාණ්ඩ ලේඛනය

අයදුම්කරුගේ

• ජාතික හැඳුනුම්පත
• නිපුණතා සහතිකය (රේගු සහතිකය)
• පොලිස් වාර්තාව
• නිවාරණ අංශයේ වාර්තාව
• ග්‍රාම සේවක වාර්තාව

රේගු මන්දිර නියෝජිතයන් අළුත් කිරීම සඳහා අත්‍යාවශ්‍ය ලියවිලි

• ඉල්ලුම් කිරීමේ ලිපිය (අයිතිකරු/හවුල්කරු/අධ්‍යක්ෂ විසින් අත්සන් කරන ලද)
• නිවැරදිව පුරවන ලද CHA අයදුම්පත

                   CUS/CHA(01) - එක් පිටපතක්
                   CUS/CHA(02) - පිටපත් 2 ක්

පහත ලියවිලිවල මුල් පිටපත්

• ව්‍යාපාර ලියාපදිංචි කිරීමේ සහතිකය - BRC
• TIN සහතිකය
• VAT සහතිකය
•  රු. 50,000/- ක මුදල් තැන්පතුවක්
• රේගු මන්දිර නියෝජිත නමින් පවතින ජංගම ගිනුම සක්‍රීය බවට බැංකුවේ සහතිකය
• ලිපිනය තහවුරු කිරීම (විදුලි බිල්පත්/ජල බිල්පත්/දුරකථන බිල්පතක්)
• ජාතික හැඳුනුම්පත
• ඉකුත් වසරේ.CHA බලපත්‍රය සහ පිටපතක්
• නිපුණතා සහතිකය
• මධ්‍යම බුද්ධි අංශයේ වාර්තාව (වසරක් ඇතුලත)
• පොලිස් වාර්තාව (වසර 2ක් තුල ලබාගත්)
• ග්‍රාම නිලධාරී වාර්තාව (මාස 6 ක් තුල ලබාගත්)