The Government Information Center

 உங்கள் பிள்ளையின் பிறப்பில், குழந்தைப் பருவத்தில் அல்லது அதன் பின்னர் வளர்ச்சியில் சிக்கல் அல்லது தாமதம், மாற்றுத்திறனுள்ள நிலை இருப்பதாக அடையாளம் கண்டால் அரச நிறுவனம் என்ற வகையில் எமது நிறுவனம் உங்கள் பிள்ளைக்காக திறந்திருக்கிறது.

பிள்ளையின் ஊனத்தை முற்கூட்டியே அறிந்துகொண்டு சேவை வழங்குதல்

தமது பிள்ளைக்கு ஏதேனும் ஊனம் உள்ளது என்பதை அறிந்துகொண்டதன் பின்னர் பெரும்பாலும் குடும்ப கூட்டுத்தாபனத்தில் தீவிர சிக்கலான நிலை தோன்றுவதோடு, அத்தகைய சந்தர்ப்பங்களில் ஏற்படுகின்ற மன அழுத்தத்தைக் குறைத்துக்கொள்ளுவதற்கும் இந்த நிலையைப் படிப்படியாகப் புரிந்துகொள்ளுவதற்கு உதவி சேவைகள் இருக்க வேண்டும். அது குடும்ப அங்கத்தினர்களைப் போன்று பிள்ளைக்கும் பெரிதும் பயனுள்ளதாக இருக்கும். பிள்ளையின் வளர்ச்சியில் உள்ள பல்வேறு சிக்கல்களை (ஊனங்கள்) அடையாளம் காணக்கூடிய வயது நிலை பலதரப்பட்டதாகும். சில வேளைகளில் சிற்சில நிலைகளை பிறப்பிலேயே அறிந்துகொள்ள முடியும். இயலுமானளவு முற்கூட்டியே அறிந்துகொண்டு உரிய சேவைகளை வழங்குவதற்காகத் தலையிடுவதன்மூலம் ஆகக்கூடிய அபிவிருத்தியை நோக்கிச் செல்லுவதற்குள்ள வாய்ப்பு அதிகமானது என்பது கல்விமான்கள் ஏற்றுக்கொண்ட விடயாகும்.

இதன் பிரகாரம் சமூக சேவை திணைக்களம், இலங்கையில் வாழ்கின்ற பல்வேறு மாற்றுத்தினுள்ள பிள்ளைகளின் முன்னிளம் பருவத்தை அபிவிருத்தி செய்வதற்காக தலையிடும் தேசிய வேலைத்திட்டத்தை அறிமுகப்படுத்தும் தேவையை நிறைவுசெய்வதற்காக கொழும்பு மாவட்டத்தை அடிப்படையாகக்கொண்ட மாதிரி கருத்திட்டமொன்று 2003ஆம் ஆண்டில் ஆரம்பிக்கப்பட்டது. அத்துடன், அது மகரகம, வெல வீதி, இலக்கம். 11, சிறுவர் வழிகாட்டல் நிலையத்தை மையமாகக்கொண்டு செயற்படுத்தப்படுகின்றது.

கருத்திட்டத்தின் நோக்கம்

• சிறுவர் ஊனத்தை அறிந்துகொண்டு முற்கூட்டியே தலையிடும் பயனுறுதிமிக்க செயல்முறையொன்றை அறிமுகப்படுத்துதல்
• ஊனமுற்ற பிள்ளைகளுக்கு சேவை வழங்குவதுடன் சம்பந்தப்பட்ட பல்வேறு துறைகளுக்குரிய நிறுவனங்கள் உள்ளடங்கிய சேவை வலையமைப்பை வலுப்படுத்துதல்
• விசேட தேவைகளுள்ள பிள்ளைகளின் முன்னிளம் பருவ கல்வியையும் இடையீட்டையும் வலுப்படுத்துவதற்காகத் தலையிடுதல்
• பெற்றோர்களினதும் குடும்ப அங்கத்தினர்களினதும் மனநிலையை மிகவும் நல்ல நிலைக்கு கொண்டுவருவதற்காகத் தலையிடுதல்
• கருத்திட்டத்தை ஏனைய மாவட்டங்களுக்கும் அறிமுகப்படுத்துதல்

நாங்கள் உங்கள் பிள்ளைக்காகவே

• அபிவிருத்திக்காக முன் தயார் நிலையை ஏற்படுத்துதல்
• அத்தியாவசிய அடிப்படை சேவைகளை வழங்குதல்
• சுகாதார நிலையை மேம்படுத்துதல்
• முன்னிளம் பருவ கல்வியை வழங்குதல்
• முறையான கல்வியில் ஈடுபடுத்துதல்
• நலனோம்பல் சேவைகளை இணைப்பாக்கம் செய்தல்

எமது முன்னிளம் பருவ அபிவிருத்தி நிறுவனத்தின் மூலம் பின்வரும் சேவைகளை உங்கள் பிள்ளைக்காக இலவசமாக வழங்குகின்றோம்.

• பிள்ளைகளுக்காக குழு வகுப்புகள்
• பிள்ளைகளின் அபிவிருத்திக்காக தனி, சிறு குழுக்கள் மற்றும் குழு வகுப்புகள்
• மனவளர்ச்சி சேவைகள்
• தொழில் துணை சேவைகள்
• சுகாதார சிகிச்சை
• ஒன்றுகூடல்
• பேச்சுப் பயிற்சி சேவை
• பல்வேறு மாற்றுத் திறனுள்ள பிள்ளைகளுக்கான வகுப்புகள்
• விசேட பிள்ளைகளை இலக்காகக் கொண்ட முன்பள்ளி ஆசிரியர் பயிற்சி நெறிகள்
• பெற்றோரின் மனநிலையை உயர்த்துவதற்கான நிகழ்ச்சித்திட்டங்கள்
• உளவளத்துணை சேவைகள்
• வெளிக்கள பரிசோதனை
• கல்வி மற்றும் உல்லாச பயணம்

மேலதிக விபரங்களை நாடு முழுவதிலும் அமைந்துள்ள பிரதேச செயலகங்களுக்கு இடைச் சேர்க்கப்பட்டுள்ள சமூக சேவை திணைக்களத்தின் சமூக சேவை உத்தியோகத்தரிடம் அல்லது அபிவிருத்தி உத்தியோகத்தரிடம் பெற்றுக்கொள்ள முடியும்.